ബം​ഗ​ളൂ​രു: ഇ​ന്ത്യ-​എ​യ്ക്കെ​തി​രാ​യ ര​ണ്ടാം ച​തു​ര്‍​ദി​ന ടെ​സ്റ്റി​ല്‍ ദ​ക്ഷി​ണാ​ഫ്രി​ക്ക-​എ തി​രി​ച്ച​ടി​ക്കു​ന്നു. ഇ​ന്ത്യ-​എ ഉ​യ​ർ​ത്തി​യ 417 റ​ണ്‍​സി​ന്‍റെ കൂ​റ്റ​ന്‍ വി​ജ​യ​ല​ക്ഷ്യം പി​ന്തു​ട​രു​ന്ന സ​ന്ദ​ർ​ശ​ക​ർ നാ​ലാം ദി​നം ഒ​ടു​വി​ൽ വി​വ​രം ല​ഭി​ക്കു​മ്പോ​ൾ മൂന്നുവി​ക്ക​റ്റ് ന​ഷ്ട​ത്തി​ൽ 311 റ​ൺ​സെ​ന്ന ശ​ക്ത​മാ​യ നി​ല​യി​ലാ​ണ്.

50 റ​ൺ​സു​മാ​യി തെം​പ ബാ​വു​മ​യും രണ്ടു റൺസുമായി മാർക്കസ് അകർമാനുമാ​ണ് ക്രീ​സി​ൽ. 91 റ​ൺ​സെ​ടു​ത്ത ജോ​ർ​ദാ​ൻ ഹെ​ർ​മ​ന്‍റെ​യും 77 റ​ൺസ് വീതമെടു​ത്ത ലെ​സെ​ഗോ സെ​നോ​ക്‌​വാ​നെ​യു​ടെ​യും 77 സു​ബൈ​ർ ഹം​സയുടെ​യും വി​ക്ക​റ്റു​ക​ളാ​ണ് ന​ഷ്ട​മാ​യ​ത്. 22 ഓ​വ​റു​ക​ളും ഏഴുവി​ക്ക​റ്റും ബാ​ക്കി​യി​രി​ക്കെ ദ​ക്ഷി​ണാ​ഫ്രി​ക്ക-​എ​യ്ക്ക് ജ​യി​ക്കാ​ന്‍ ഇ​നി 106 റ​ണ്‍​സ് കൂ​ടി മ​തി.

വി​ക്ക​റ്റ് ന​ഷ്ട​മി​ല്ലാ​തെ 25 റ​ണ്‍​സെ​ന്ന നി​ല​യി​ല്‍ അ​വ​സാ​ന ദി​നം ക്രീ​സി​ലി​റ​ങ്ങി​യ ദ​ക്ഷി​ണാ​ഫ്രി​ക്ക-​എ​യെ തു​ട​ക്ക​ത്തി​ലെ വി​ക്ക​റ്റ് വീ​ഴ്ത്തി പ്ര​തി​രോ​ധ​ത്തി​ലാ​ക്കാ​മെ​ന്ന ഇ​ന്ത്യ-​എ​യു​ടെ ശ്ര​മ​ങ്ങ​ൾ വി​ഫ​ല​മാ​കു​ന്ന കാ​ഴ്ച​യാ​ണ് തു​ട​ക്ക​ത്തി​ൽ ക​ണ്ട​ത്. ഒ​ടു​വി​ൽ സ്കോ​ർ 156 റ​ൺ​സി​ൽ നി​ല്ക്കെ സെ​ഞ്ചു​റി​ക്ക​രി​കെ ഹെ​ർ​മ​നെ പു​റ​ത്താ​ക്കി പ്ര​സി​ദ്ധ് കൃ​ഷ്ണ ഇ​ന്ത്യ​യ്ക്ക് ബ്രേ​ക്ക്ത്രൂ സ​മ്മാ​നി​ച്ചു.

പി​ന്നാ​ലെ 197 ൽ ​നി​ല്ക്കെ സെ​നോ​ക്‌​വാ​നെ​യെ ഹ​ർ​ഷ് ദു​ബെ​യും പു​റ​ത്താ​ക്കി. തു​ട​ർ​ന്ന് ക്രീ​സി​ൽ ഒ​ന്നി​ച്ച സു​ബൈ​ർ ഹം​സ​യും തെം​പ ബാ​വു​മ​യും ചേ​ർ​ന്ന് ദ​ക്ഷി​ണാ​ഫ്രി​ക്ക​ൻ ഇ​ന്നിം​ഗ്സ് മു​ന്നോ​ട്ടു കൊ​ണ്ടു​പോ​കു​ക​യാ​യി​രു​ന്നു. സ്കോർ 304 റൺസിൽ നില്ക്കെ സുബൈറിനെ പുറത്താക്കി പ്രസിദ്ധ് കൃഷ്ണ വീണ്ടും ആഞ്ഞടിച്ചു.
‌‌
നേ​ര​ത്തെ, ര​ണ്ടാം ഇ​ന്നിം​ഗ്സി​ൽ സെ​ഞ്ചു​റി നേ​ടി​യ ധ്രു​വ് ജു​റെ​ലി​ന്‍റെ​യും (127) അ​ർ​ധ​സെ​ഞ്ചു​റി നേ​ടി​യ ഹ​ർ​ഷ് ദു​ബെ (84), നാ​യ​ക​ൻ ഋ​ഷ​ഭ് പ​ന്ത് (65) എ​ന്നി​വ​രു​ടെ​യും ബാ​റ്റിം​ഗ് മി​ക​വി​ലാ​ണ് ഇ​ന്ത്യ-​എ മി​ക​ച്ച വി​ജ​യ​ല​ക്ഷ്യം മു​ന്നോ​ട്ടു​വ​ച്ച​ത്. ഏ​ഴി​ന് 382 റ​ൺ​സെ​ന്ന നി​ല​യി​ൽ ഡി​ക്ല​യ​ർ ചെ​യ്ത ഇ​ന്ത്യ-​എ ആ​ദ്യ ഇ​ന്നിം​ഗ്സി​ൽ ലീ​ഡും സ്വ​ന്ത​മാ​ക്കി​യി​രു​ന്നു.